WOW，上一篇嘅日誌都係舊年嘅了，呢排真係發生咗好多事，好多我唔想講出嚟嘅心事由於無暇上網，一路都擱置liao……
經歷得最刻骨銘心嘅就係，嫲嫲走咗，好突然嘅，我真係唔識點形容我嘅心情~！！！大年十四番屋企食飯，初初都唔係幾想番，不過諗住過年喎，晏晝坐車番咗去，落車都經已5點幾，我哋好肚餓，經過樓下都未返上去，而是走去食嘢，然之後就夠鐘去食年飯。食飯果陣，小姨仲話一陣有車，問我哋番唔番遵義，我哋竟然應承咗。不過突然之間又話又滴問題，架車嚟唔到。於是乎我哋就陪細佬去supermarket，因為佢就嚟番學校。我哋喺超市好開心果陣，小姨打電話比家姐話媽咪接到電話，話嫲嫲出咗事，但唔知乜事。我哋即刻跑出去打車番屋企，途中媽咪又打過來，han住咁叫我哋快D番，嫲嫲出咗事~！我一路都以為嫲嫲可能乜病突發，好嚴重，但係當我行到四樓果陣，我嘅心跳突然加快，好緊張，仲同自己講【千企冇有事，千企冇有事！】但係當我沖入屋果一刻，我呆咗，我到宜家都覺得果個畫面好真實好清晰咁擺喺我面前~！我見到嫲嫲目訓喺走廊上，臉色發白，媽咪就喺客廳門口han，我好激動嘅問媽咪點回事，一路問，然之後就抱住媽咪一路han，家姐就跪喺嫲嫲身邊一路han，一陣我也都跪到嫲嫲身邊……
我真係唔識講，果種痛，果種唔捨得，唔相信，我呢一世人真係第一次體會到，原來這才是真真正正無奈嘅感覺……
我真係好後悔，如果一開始落車，我番屋企先，都可以同嫲嫲傾多幾句，都可以等嫲嫲見到我哋一面，但系這一切都太突然，真的好突然，食飯果陣我仲問過阿爸，嫲嫲有冇食飯，佢都話佢整咗飯比嫲嫲食先出門嘅。其實屋企冇人嘅時間加埋就粒幾鐘，但係。。。嫲嫲，點解喎，點解你揀呢個時間離我哋而去呢？我知你不嬲都好錫我哋兩個噶，點解唔等多陣，等見到我兩個先呢？今年我仲未買唇膏比你！上次過年我唔係好嬲嘖，我經已唔記得lu，你點解唔聽埋呢句？點解走得咁急，我都未嚟得及好好孝敬您，你都未睇到我哋成家立室，我真係好唔捨得您~！！！好掛住您~！！！
接下來嘅都係滴兒女私情，相比之下，真係冇咁嚴重……
講嚟講去，我嘅感情事都係同DH有關嘅，唔知點解，我就係對佢冇滴免疫力嘅，唔通真係好似mayball講嘅，我根本就未放低佢？唔會掛，講真啦，早排我真係放低咗架，但係今次因為行得太埋我先會亂咋嘛~！
呢次見咗面之後，行得好埋，但係我都係諗住曖昧哈就算，我諗，以我嘅定力，冇可能拉野嘅，但係，實估唔到，我，我竟然第二次嘅中招，都冇解嘅！！！佢約我睇戲，同我D friend一起玩，同我講D甜言蜜語我其實都可以抵抗到嘅，只不過，喺嫲嫲走咗這段時間，我真係希望可以搵D嘢嚟靠哈，咁啱得咁巧，佢呢個時候喺我側邊，又肯比我挨哈喎，短短幾日，我就經已習慣咗，非常嘅習慣，真係evil~！我哋去到非常曖昧嘅時候，我覺得咁樣唔得，於是我同佢講，叫佢離我遠D，但係我真係好唔捨得架。。。於是，從22號開始，我唔再同佢聯繫，但係佢竟然都可以唔同我聯繫喎~！呢幾日，我真係好掛住佢，我都唔知今次點會咁樣，我嘅驕傲呢？去咗邊啊？
今次嘅事，我han不諗同mayball同埋家姐坦白咗，我所有嘅感受，所有嘅掛念~！佢哋可以勸住我，冇同佢聯繫，勸醒我，冇再諗佢~！但係我有少少後悔，我覺得咁樣掛住佢嘅我真係好cheap，我唔想以咁樣嘅形象出現喺佢哋面前，任何人面前~！！！宜家真係唔知點算，我好想同佢聯繫，但又唔知咁樣又乜意義~！其實我諗我唔係咁鍾意佢，只不過我不甘心，點解佢可以話唔聯繫就唔聯繫嘅？佢係唔係都好似我咁樣好難受，咁樣掛住我呢？我凈係想知~！但係知咗又點嘛，一切都係冇意義嘅~！
接下嚟我會點呢?家庭，事業，友情，愛情？一切都會順利嗎？
長大真的不是一件好玩兒的事~
